“Toda a andaina é unha gozada”

Visto o éxito de participación da pasada edición da andaina e tendo en conta que este ano a proba celebrase en domingo ¿qué expectativas tes neste apartado?

Creo  que a participación vai igualar cando menos á do ano anterior. Os andaríns buscamos camiños axeitados, non cortalumes nen asfalto, queremos bosques autóctonos e gústanos comer ben. Todo iso xunto dámosllo na andaina de Moreiras  e a xente agradéceo coa súa presenza.

¿Consideras baixa, en relación co total, a participación de persoas do pobo na andaina do ano pasado?

As andainas fanse para toda a xente que quere vir, non só para os do pobo. Noutros lugares a participación dos “autóctonos” tampouco é proporcionalmente maior. A todo isto cómpre engadir que dende o ano pasado observo que en Moreiras a xente sae máis a andar. As cousas hai que poñelas en valor,  e ver o éxito da andaina do ano pasado fixo que a xente do pobo empezase a pensar que iso de andar non é cousa de tolos senón que é algo bon para a saúde que podemos practicar todos. Por iso os concellos deben potenciar este deporte que por parecer tan básico non se inviste diñeiro en potencialo.

¿Crees que o éxito da edición do ano pasado pode influir para que este ano se anime máis xente do pobo a participar?

A xente do pobo agora xa ve que o que foi bon para os de fóra tamén o será para eles. Ninguén cría que tomaran a saída 243 persoas na nosa andaina o ano pasado. Pensaban que andar 10 km era una barbaridade. Todo iso cambiou e estou seguro de que a participación dos do pobo será superior á de 2013.

O cambio de percorrido ¿qué valor añadido lle da a esta edición da andaina respecto a do pasado ano?

Repetir o percorrido do ano pasado sería o que menos traballo nos daría. Pero a xente que fixo a andaina o ano pasado non vería nada novo e temos moito que ensinar anque pareza que non. Por outra banda cambiar o percorrido tamén supón ter moitos máis camiños habilitados para andar. Este foi un dos motivos de que a andaina de 2014 teña máis dun 80% renovado con respecto á de 2013.

¿Cánto tempo e kilómetros che levou preparar o percorrido da II Andaina de Moreiras?

Por sorte para min teño moito tempo libre e dedico a andar una boa parte del. Dende que fixemos a andaina de 2013 a miña cabeza  xa estaba matinando na súa renovación, buscando camiños novos e agradables para andar. Tiven a sorte de falar cun compañeiro de andainas de outros lugares que ten casa en Mugares. Él foi o que me ensinou o tramo máis bonito desta andaina. Toda a andaina é una gozada, pero o tramo que me ensinou o Manolo é o mellor. Tamén lle teño que agradecer o seu apoio ó Concello na limpeza dos camiños e, o máis importante, un grande agradecemento  a  toda a directiva da Asociación de Vecinos de Moreiras que colaboraron e colaborarán sen excepción para que  as andainas de Moreiras sexan un éxito.

Crees que o estado dos camiños perxudica a práctica continuada do sendeirismo no Concello?

Unha das  rentabilidades dunha andaina consiste en que quedan limpos moitos camiños. Creo que a andaina de 2014 debería transformarse nunha ruta homologada, nun PRG,  que o Concello debería manter limpo todo o ano para facilitar que a xente coidara a súa saúde andando. Cos  3 percorridos que inclúe permitiríalle á xente facer rutas moi diversas, máis cortas ou máis largas.

 

Igrexa de San Pedro de Moreiras

Construída no século XVIII,  destaca pola súa fachada de traza renacentista rematada por dúas torres desiguais unidas por unha balaustrada.

“Toda a andaina é unha gozada”

Os andaríns buscamos camiños axeitados, non cortalumes nen asfalto, queremos bosques autóctonos e gústanos comer ben.

A miña aldea

Parece ser que  Valentín Lamas Carvajal tiña dous amigos moi queridos en Moreiras, o abade don Ángel Varela e o mestre Freire , dous amigos aos que visitaba con frecuencia.

“Cando xogas con un concepto como é a solidariedade, as posibilidades de éxito son grandes”

Entrevista con Juan Canal, impulsor primeiro do proxecto Toén Solidario.

© Asociación de Veciños de Moreiras
Bretema Digital Studio - Diseño Web
Brétema Digital Studio